LAINI ZA SIMU MILIONI 2 KUFUNGWA

 

Waziri wa Habari, Mawasiliano na Teknolojia ya Habari Nape Nnauye

NA MWANDISHI WETU, AFRINEWS-DODOMA

 LAINI za simu milioni mbili ziko mbioni kufungwa kutokana na kutohakikiwa.

Uamuzi huo umetangazwa leo na  Serikali baada ya muda uliotolewa kwa wananchi kukamilisha zoezi hilo kuelekea ukingoni.

Waziri wa Habari, Mawasiliano na Teknolojia ya Habari Nape Nnauye ndie ametoa taarifa hiyo leo januari 24,2023 wakati akizungumza na waandishi wa habari mkoani Dodoma.

Nape amesema kuwa hatua hiyo inatokana na kuwepo kwa utapeli ambapo kwa mujibu wa takwimu za Januari 19, mwaka huu, zaidi ya laini milioni 60 zimesajiliwa huku zilizohakikiwa ni milioni 58.

“Sababu ya kuzifungia laini hizo ni kuondoa utapeli uliopo hivi sasa kupitia simu za mkononi kwani laini zinazotumika ni zaidi ya milioni 60 katika watu milioni 61 tuliopo hapa nchini.

“Eneo hili la mawasiliano linagusa watu wengi lakini hata hivyo kuna utapeli mwingi ndio maana tuliposema watu wafanye uhakiki ni laini milioni 58 tu ndiyo zilisajiliwa na zaidi ya milioni mbili hazijahakikiwa.” 

Hata hivyo alisema Serikali imeongeza muda wa kuhakiki laini zao kutoka Januari 31 mwaka huu Hadi February 13 mwaka huu ili kutoa nafasi zaidi kwa watu kuhakiki laini zao.

    Laini za simu

“Zipo laini nyingi mtaani na nyingi zinatumika katika utapeli ,wapo mawakala wasiokuwa waaminifu kwani wanahifadhi namba na picha za watu wenye namba za NIDA na kuwasajilia watu wengine huku muhusika mwenyewe akiwa hajui kama jina lake linatumika na watu wengine na nyingine ndiyo hizo zinatumika katika utapeli,hivyo tutazima laini zote zilizosajiliwa kwa uongo lengo kubwa ni kuondoa matapeli.