MWANDISHI nguli wa zamani wa habari za michezo, Peter Mwenda amefariki dunia.
Kwa mujibu wa mtoto wa marehemu, John Mwenda, baba yake amefariki leo Jumatano Agosti 16, 2023 kwa maradhi ya sukari yaliyokuwa yakimsumbua muda mrefu.
Wakati wa uhai wake alikuwa mwandishi wa magazeti ya Majira, Spoti Starehe na Dar Leo yaliyokuwa yakichapishwa na Kampuni ya Business Times Limited (BTL).
Pia Mwenda ambaye ni mwanachama maarufu wa Simba, alipata kuwa kiongozi wa matawi ya klabu ya Simba katika maeneo aliyoishi ambayo ni Keko na Kitunda jijini Dar es Salaam. Amewahi kuwa Mjumbe wa Kamati ya Utendaji ya Chama cha Waandishi wa Habari za Michezo nchini (TASWA).
0 Comments