Kocha maarufu kutoka nchini Marekani, Austin Pillado ambaye pia ni Naibu Kocha Mkuu wa timu ya kuogelea ya Chuo cha Washington State, ametua nchini Mei 3,2026 kwa ajili ya kuendesha kambi maalumu ya mafunzo ya kuogelea kwa muda wa siku 10.
Kambi hiyo inayofanyika jijini Dar es Salaam, imeandaliwa na Shule ya Kimataifa ya Monti kwa kushirikiana na Chama cha Mchezo wa Kuogelea Nchini (TSA).
Akizungumza na waandishi wa habari katika mapokezi ya kocha huyo kwenye uwanja wa ndege wa Kimataifa wa Julius Nyerere jijini Dar es Salaam, Mkurugenzi Mkuu na Mwanzilishi wa shule hiyo ya Monti International, Fatma Fernandes alisema lengo kuu ni kuinua viwango vya vipaji vya ndani kufikia hadhi ya kimataifa.
“Kwa sababu mpango huu wa mafunzo ya kambi maalumu ya kuogelea unaendana kikamilifu na maono ya uongozi wetu wa kitaifa — kutoka kwa Mheshimiwa Rais Samia Suluhu Hassan katika kukuza vipaji vya vijana, hadi kwa Waziri Habari, Sanaa na Michezo, Paul Makonda katika kuhakikisha michezo yote inapewa nafasi ya kukua.
“Sisi Monti International tunaamini kuogelea kunaweza kuwa nguzo muhimu ya michezo Tanzania, na sekta binafsi ina nafasi kubwa ya kuchangia katika kujenga mafanikio hayo,” amesema Fatma.
Naye Mwenyekiti wa TSA, David Mwasogye amesema ujio wa kocha huyo kutasaidia kupunguza au kuziba pengo kati ya vipaji vya ndani na viwango vya kimataifa.
“Kwa kuwaleta makocha wa kiwango cha juu kama Austin, tunawezesha vijana wetu kupata mafunzo na uchambuzi wa kitaalamu sawa na wanariadha bora duniani,” alisema Mwasogye.
“Ndiyo maana nimekuja hapa Tanzania kubadilishana uzoefu kutoka kwenye mfumo wa kimataifa wa NCAA, lengo ni kuona watoto na wakufunzi wanapata mafunzo yenye viwango sawa na wanamichezo bora duniani.
0 Comments