Timu ya Ndanda ya Mtwara imetangaza kujitoa katika Ligi Daraja la Kwanza (Championship), huku sababu kuu ikiwa ni ukata uliowasababishia kushindwa kumudu gharama za safari.
Timu hiyo ilipaswa kusafiri kuelekea mkoani Mwanza kucheza dhidi ya COPCO Veteran, walihangaika kutafuta fedha bila mafanikio.
Baada ya hali hiyo uongozi wa timu hiyo uliona njia pekee kwao ni kutangaza kujitoa rasmi kwenye Ligi hiyo.
Katika kuhalalisha kujitoa kwao, uongozi ulisema walijaribu kuwashirikisha wadau mbalimbali ili wapate msaada, lakini ilishindikana.
Ndanda inakuwa ni timu ya pili msimu huu kujitoa katika Ligi Daraja la Kwanza (Championship) baada timu ya Gwambina kufanya hivyo katikati ya Msimu wa Ligi.
0 Comments