Kikosi cha Yanga leo Agosti 9,2023 kimeendeleza ubabe mbele ya Azam Fc baada ya kuitandika bao 2-0 katika mchezo wa kwanza wa Ngao ya jamii uliochezwa, kwenye uwanja wa Mkwakwani, jijini Tanga.
Yanga ambayo haijawahi kufungwa na Azam Fc katika michezo yote waliyokutana, ilianza mchezo huo kwa kasi hata hivyo mabeki wa Azam walisimama imara na kukimaliza kipindi cha kwanza bila kufungana.
Kipindi cha pili kilikuwa kigumu kwa Azam Fc kutokana na mabadiliko yaliyofanywa na Yanga ya kumuingiza Aziz Key na Clement Mzize kuwa na tija zaidi.
Key ndie alikuwa wa kwanza kupeleka simanzi Chamazi baada ya kuwapiga chenga mabeki wa Azam na kutumbikiza mpira kimiani kirahisi zaidi.
Mzize alikuja kukomelea msumari wa maumivu kwa Azam katika dakika ya 89 kwa kupiga shuti la mbali lililokwenda wavuni moja kwa moja.
Matokeo hayo yanaitanguliza Yanga fainali, ambapo sasa inasubiri mshindi wa mechi ya kesho kati ya Simba didi ya Singida Big Stars.
0 Comments