KUNDI LA MKOJANI LAZIDI KUMEGUKA

Abdallah Mzunda -Mkojani

KUKOSEKANA kwa uaminifu, tamaa, ubinafsi na chuki kumetajwa kuwa moja ya sababu zinazolisambaratisha kundi la saa za vichekesho la Mkojani Gang.

Katika siku za hivi karibuni Mkojang gang ambalo linamilikiwa na mchekeshaji Abdallah Nzunda Mkojani limekuwa kilifanya vizuri kwa kazi zao nzuri ikiwemo tamthilia ya Ugaigai na Umbambamba.

Kwa sasa mambo yamebadilika katika kundi hilo, tayari wachekeshaji wake  pendwa wamejitoa na kuanza kukalamika kuwa walikuwa wakipatia mateso pamoja na kumwaga siri kadhaa za kundi hilo.

Mchekeshaji wa kwanza kuondoka kwenye kundi hilo ni Chumvi Nyingi, aliondoka katika kundi hilo na kulalamikia mambo mengi ikiwemo kutopewa masilahi yake na kudai kuna vitendo vya kishirikina katika kundi hilo.

Kuondoka kwa Chumvi kumemsukuma msanii Samofi naye kuondoka kundini huku naye akitoa malalamiko yanayofanana nay a mwenzake, lakini pia tamthilia ya Umbambamba imesimama na imeondolewa kwenye mtandao wa kijamii wa YouTube.