WATUMISHI WA UMMA 11 WAPINDISHWA KIZIMBANI KWA MATUMIZI MABAYA YA OFISI

​

Watumishi 11 wa Manispaa ya Kigoma Ujiji pamoja na TAMISEMI wamepandishwa kizimbani wakikabiliwa na kesi ya Uhujumu uchumi namba 3 ya mwaka 2023 yenye mashtaka 11 likiwemo la utakatishaji fedha Sh.milioni 463.5

Akisoma mashtaka hayo mbele ya hakimu Mfawidhi wa mahakama hiyo Hassan Momba,Wakili Mwandamizi wa Serikali, Anosisye Erasto aliieleza mahakama kuwa washitakiwa hao  walitenda makosa hayo kati ya Juni 1,  2022 na Juni 5 2023 katika Manispaa ya Kigoma ujiji na Jiji la Dodoma

Baadhi ya mashitaka wanayoshitakiwa ni pamoja na kula njama kwa nia ya kutenda koda,kugushi,matumizi mabaya ya madaraka,kutakatisha fedha,kuisababishia mamlaka ya serikali hasara.

Washitakiwa katika kesi hiyo ni pamoja na aliyekuwa Mkurugenzi wa Manispaa ya Kigoma Ujiji, Athumani Msabila,watumishi wa ofisi ya Tawala za Mikoa na Serikali za Mitaa(TAMISEMI)Dodoma Aidan Mponzi na Tumsifu Kachira.

Watumishi kutoka ofisi ya Manispaa ya Kigoma Ujiji ni Frednand Filimbi,Salum Juma,Moses Zahuye,Joel Shirima,Jema Mbilinyi,Kombe Kabichi,Frank Nguvumali na Bayaga Ntamasambilo kutoka ofisi ya Mkuu wa Mkoa wa Kigoma.

Katika kesi hiyo washitakiwa wanasimamiwa na mawakili wanne ambao ni Sadiki Aliki,Michael Mwangati,Eliutha Kvyiro na Victoria Nyembea.

Washtakiwa hao hawakutakiwa kujibu chochote kutona na mahakama hiyo kutokuwa na mamlaka ya kusikiliza mashauri yao ikiwemo shitaka la uhujumu uchumi na kuisababishia serikali hasara.

Kesi hiyo imehairishwa hadi Novemba 20 mwaka huu itakapotatajwa tena kwaajili ya kutoa uamuzi wa dhamana kwa washitakiwa watano ambao hawahusiki na shitaka la utakatishaji fedha kama watakuwa na haki ya kupata dhamana.