KATIBU Mkuu wa Jumuiya ya Wanawake wa Chama Cha Mapinduzi (UWT) Joketi Mwegelo leo Oktoba 9,2023 amekabidhi ofisi ya Mkuu wa wilaya ya Korogwe kwa mrithi wake William Mwakilema
Katika makabidhiano hayo Mwakilema amewataka watendaji kufanyakazi za kuhudumia Wananchi kwa ufanisi ili kutimiza malengo ya serikali.
"Niwaombe watumishi wenzangu kwanza mjue lengo la nafasi mlizopewa kwani kuna watanzania wengi ambao wangeweza kuwepo kwenye nafasi hizo hivyo ni muhimu kujituma kwa kutoa huduma bora kwa Wananchi."
Kwa upande wake Mwegelo amesema kuwa Wilaya ya Korogwe ni miongoni mwa Wilaya zenye fursa nyingi za kiuchumi hivyo wazitumie kwa ajili ya kuinua maisha ya wananchi wa eneo hilo.
Jokate aliteuliwa hivi karibun na vikao vya juu vya CCM kuwa Katibu Mkuu wa UWT.
0 Comments