Kocha wa klabu ya Yanga Miguel Gamondi amesema katika kuhakikisha anajihakikishia ushindi katika kila mechi, haangalii anacheza na nani badala yake anataka kikosi chake kicheze soka safi na kupata ushindi mnono.
Amesema kikosi chake kipo tayari kwa mchezo wao dhidi ya Maafande wa JKT Tanzania utakaopigwa leo Agosti 29, 2023 katika dimba la Azam Complex Chamazi.
Kocha huyo anasema falsafa yake ni kusakata soka safi bila kujali anacheza na timu gani, hata hivyo anaheshimu kila mpinzani anaekutana naye.
“Licha ya kwamba tunajua mpinzani wetu ni timu iliyopanda daraja, wana wachezaji wenye uzoefu hivyo hatupaswi kuichukulia kama timu dhaifu, ninafikiri Leo tunapaswa kujiamini na kufunga magoli mengi” amesema Gamondi.
Mchezo huo utakuwa ni wa pili kwa Yanga kwenye ligi kuu ambapo mchezo wa kwanza waliibugiza KMC mabao 5-0.
Endapo Yanga itashinda goli zaidi ya moja kwenye mchezo wa leo itajihakikishia nafasi ya kukaa kileleni kwa muda mrefu kutokana na mpinzani wake wa karibu timu ya Simba kutokuwa na mchezo wa Ligi Kuu hivi karibuni kama ilivyo kwa kinara wa ligi hiyo Azam Fc.
0 Comments