Mshambuliaji raia wa Burundi, Sudi Abdaalah anaetajwa kuwa mrithi wa Fiston Mayele ndani ya kikosi cha Yanga ametamba kufanya makubwa endapo atapata nafasi ya kuwatumikia mabingwa hao wa soka nchini.
Sudi ambaye anatajwa kuwa na uwezo mkubwa wa kupachika mabao magumu, amesema ingawa yeye hawezi kuzungumzia ujio wake Yanga, lakini anaamini hiyo ni nafasi adimu kwake.
Amesema Yanga ni timu kubwa Afrika na kila mchezaji mwenye ndoto za kucheza la mafanikio matamanio yake ni kuitumikia timu hiyo.
"Siwezi kuzungumzia suala hilo, uongozi wangu ndio watalisemea hilo, hata hivyo nitadanganya kama nitasema sipendi kuichezea timu ya Yanga, hii ni timu kubwa na kila mchezaji mwenye ndoto za kutaka kuonekana ni lazima ataichagua Yanga.
"Yanga ina mashabiki wengi katika maeneo mbalimbali, ina mafanikio makubwa Afrika, ikitokea nikaenda huko nitajitahidi kufanya makubwa."
Sudi anahusishwa na kujiunga Yanga kutokana na timu hiyo kuridhia kumuachia mshambuliaji wake kinara, Fiston Mayele ambaye anatajwa kwenda timu ya Pyramid.
0 Comments