Kikosi cha timu ya taifa ya Tanzania, ‘Taifa Stars’ kimejiwekea mazingira mazuri ya kufuzu fainali za AFCON baada ya kuichapa timu ya Taifa ya Niger bao 1-0, katika mchezo wa kuwania kufuzu fainali za mataifa ya Afrika (Afcon) zitakayofanyika mwakani nchini Ivory Coast.
Bao pekee la Stars katika mchezo huo wa nne limefungwa na mshambuliaji Saimom Msuva katika dakika ya 69 akimalizia pasi iliyopigwa na beki Novatus Dismas kutokea upande wa kushoto.
Ushindi huo umeifanya Stars kufikisha alama saba kwenye kundi F, nyuma ya Vinara Algeria wenye alama 15 ambao tayari wamefuzu.
Ushindi WA Taifa Stars umeihakikishia nafasi kubwa ya kufuzu kwani sasa inahitaji pointi moja tu kwenye mchezo wake wa mwisho dhidi ya timu ya taifa ya Algeria utakaochezwa nchini Algeria.
0 Comments