Mwanamuziki nanmwanasiasa wa Tanzania, Joseph Haule maarufu kama Profesa Jay amerudi tena kwenye mitandao ya kijamii kwa mara ya kwanza ikiwa ni baada ya siku zaidi ya 462 za kutokuweka chochote kwenye kurasa zake baada ya kuugua na kulazwa Hospitali kwa muda mrefu.
Kwenye post yake ameweka picha ya muonekano wake wa sasa na kuandika "Salaam Ndugu zangu, kwanza namshukuru sana Mungi aliye hai kwa uponyaji na kunipa nafasi nyingine ya kuendelea kuwa hai, hali yangu ilikuwa mbaya isioelezeka, asante sana Mungu baba (nitakutukuza na kukusifu siku zote za maisha yangu), pili kipekee namshukuru sana Mhe. Rais Dr. Samia Hassan Suluhu na Serikali yake kwa kunigharamia matibabu yangu yote ya Muhimbili na Nje ya Nchi, Asante sana Mama pamoja na Serikali yako yote kwani Viongozi wako wa chama na serikali walikuwa wanapishana kila siku kuja kuniona na kunifariji.
Prof Jay ametoa pongezi poa kwa madaktari kumtibu na kumshukuru Mungu kwa kuponya.
0 Comments