Mchungaji maarufu anayekubalika na makundi mbalimbali ya watu nchini, Richard Hananja anatarajiwa kushiriki kwenye bonanza la Soka lenye dhamira ya kuhamasisha uchangiaji wa damu salama.
Bonanza hilo limepangwa kufanyika Mei 6, mwaka huu kwenye viwanja vya Mivumoni, Kata ya Wazo, wilaya ya Kinondoni, jijini Dar es Salaam.
Kwa mujibu wa muandaaji wa Bonanza hilo, Angella Seth ambae ni mwandishi wa habari kutoka Fullshangweblog na mhamasishaji uchangiaji wa damu salama wa kujitolea, bonanza hilo limelenga kuwa mchango kwa wagonjwa wenye uhitaji wa damu salama.
"Nimeandaa Bonanza la uchangiaji damu salama ambalo litafanyika Mei 6 mwaka huu, Wazo Mivumoni."
Angella amesema mgeni rasmi kwenye bonanza hilo anatarajiwa kuwa Mganga Mkuu wa mkoa wa Dar es salam, Dkt. Rashid Mfaume.
Aidha ametoa wito kwa watu kujitokeza kwa wingi ili kuchangia damu itakayokuwa msaada mkubwa kwa wenye uhitaji.
Mchungaji Hananja (kushoto) akiwa na Angella na baadhi ya vijana katika maandalizi ya bonanza hilo.
0 Comments