SHIRIKA la Ndege la Saudi Arabia ‘Saudia’ - SKYTEAM limeanza kufanya safari zake za moja kwa moja kutoka Riyadh hadi Dar es Salaam kufuatia ziara ya Rais Samia Suluhu Hassan nchini Saudi Arabia.
Waziri wa Ujenzi na Uchukuzi, Prof. Makame Mbarawa ameshiriki uzinduzi wa safari hizo katika Uwanja wa ndege wa Kimataifa wa Julius Nyerere (JNIA). Katika Hafla hiyo, Naibu Waziri wa Mambo ya Nje na Ushirikiano wa Afrika Mashari, Balozi Mbarouk Nassor Mbarouk na Kaimu Balozi wa Saudi Arabia nchini, Balozi Fahad Alharbi wameshiriki kupokea ndege ya kwanza ya shirika hilo.
Wizara ya Uchukuzi imesema Ndege hiyo itakuwa ikifanya safari zake Mara 4 kwa wiki ikiwa ni safari za moja kwa moja kutoka nchini humo kuja Tanzania.
Ujio wa Shirika hilo utaongeza pato la Kiwanja, kukuza utalii na kupunguza muda wa safari kutoka takribani saa 10 mpaka saa 4 na nusu.
0 Comments