RAIS Samia Suluhu Hassan ameshuhudia utiaji saini mikataba mahsusi ya Uwekezaji wa uendeshaji wa sehemu ya Bandari ya Dar es Salaam, Ikulu Chamwino Mkoani Dodoma jana Oktoba 22 2023.
Rais wa Samia Suluhu Hassan pia amefanya mazungumzo na viongozi pamoja na wageni mbalimbali kwenye hafla ya utiaji saini Uwekezaji na uendeshaji wa sehemu ya Bandari ya Dar es Salaam.
Waziri wa Uchukuzi Mhe. Profesa Makame Mbarawa akiwa na Katibu Mkuu wa Wizara hiyo Profesa Godius Kahyarara walishiriki zoezi la utiaji saini mkataba wa Nchi mwenyeji baina ya Serikali ya Jamhuri ya Muungano wa Tanzania na Kampuni ya DP World ya Dubai iliyowakilishwa na Mwenyekiti na Mkurugenzi Mtendaji wa Kampuni hiyo, Sultan Ahmed bin Sulayem kwenye hafla iliyofanyika Ikulu Chamwino Dodoma.
Pia Mkurugenzi Mkuu wa Mamlaka ya usimamizi wa Bandari (TPA) Plasduce Mbossa pamoja na Mwenyekiti wa Bodi ya Wakurugenzi ya TPA, Balozi Ernest Mangu walishiriki kutia saini mkataba huo wa uendeshaji wa Gati namba 4 mpaka 7 za Bandari ya Dar es Salaam.
0 Comments