MOYO WA NGANNOU NDIO MOYO WA MAPAMBANO YA KWELI KWA KILE UNACHOKIAMINI.
Oktoba 23,2023 inaweza kuwa tarehe ya kumbukumbu nzuri kwa watu wa Cameron na mashabiki wa mchezo wa boxing duniani.
Francis Ngannou ukipenda The Predator alikuwa ndani ya ulingo ndani ya mji wa Riyadh, Saudi Arabia kupambana na mwamba toka Uingereza bingwa wa uzito wa juu Tyson Furry.
Ngannou ni mpambanaji ambae katokea katika mchezo wa MMA chini ya UFC, sehemu ambayo ametokea ni mchezo wa mapigano ambao ndani yake kuna boxing, karate, mieleka.
Na sasa anakuja kupambana katika mchezo wa mtindo mmoja ambao ni boxing pekee ndio anapokutana na mwamba Tyson Furry mwamba ambae kwa sasa anashika record ya bondia bora wa uzito wa juu.
Pambano lilikuwa na mvuto kwa wengi kutokana na mbwembwe za Furry na Ngannou mwenyewe na kila mpenda ngumi akitamani kuona itakuaje mtu kuteka mtindo flani wa mapigano kuja kwenye mtindo mwingine wa mapigano tena na bondia bora zaidi duniani.
Ndoto ya Ngannou ilikuwa chini ya bingwa wa zamani wa uzito wa juu Mike Tyson, ambae Ngannou alichagua kujifunza kuwa mwanafunzi wa Mike pindi akiendea pambano lake na Furry kijana aliyepewa jina la Tyson kutokana na ubora wa Mike katika ulingo.
Pambano la usiku wa kuamkia leo Ngannou aliona kabisa hii ni tiketi ya kufikia ndoto yangu huku Furry akichukulia kama bonanza la kuamsha michezo wa ngumi nchini Saudi Arabia kabla ya punch moja kali toka kwa Ngannou kumkumbusha kuwa yupo kazini akaze.
Mpaka mwisho wa mchezo Furry alipata ushindi kwa kumzidi point moja mpinzani wake Ngannou. Mwamba Ngannou kufika alipo hakufika kwa bahati, yalimtoka machozi jasho na mapitio mbalimbali ya kimaisha katika kujitafuta yani kutoka kuwa bingwa wa UFC na kuumwaga mkataba kutokana na sababu mbalimbali za kiundeshaji za UFC mpaka kuwa kwenye ngumi na kukunja mkwanja mrefu kwa pambano lake la kwanza.c&p Beberu La Mbegu
0 Comments