MO DEWJI AMTANGAZIA MSAMAHA HAJI MANARA

Mo Dewji (kushoto) na Haji Manara (kulia)

RAIS wa Heshima wa klabu ya Simba, Mohamed Dewji (Mo) amemtangazia msamaha aliyekuwa msemaji wa klabu hiyo Haji Manara, ambaye alijiunga na Yanga mwishoni mwa msimu wa Ligi Kuu Tanzania Bara 2020/21.

Mo Dewji alisema, mara baada ya Haji kuondoka Simba, alianza kumtukana mitandaoni, lakini yeye hakuwahi kumjibu na hata akiendelea hatafanya hivyo kwani yeye hajaumbwa kuyafanya hayo.

 

“Amenitukana sana, lakini nikiri wazi sina kinyongo nae na nimemsamehe, mimi namshukuru Mungu amenijaalia vitu viwili, sina kinyongo na sina wivu, nikiri wazi nimemsamehe.”

 

Haji Manara

Mo alitoa kauli hiyo katika mahojiano yake na Global Tv Online, na kusema kuwa walifanya kazi na Haji vizuri na amemsamehe kwa yote aliyomfanyia.

 “Si yeye tu, kuna wengi wamenisema vibaya na kunitukana, niwe mkweli sina kinyongo nao, likitokea jambo mimi nasemehe na kumwachia Mungu, hata ikitokea siku akaja kuomba msamaha nimemsamehe, mimi sikuwa na shida na Haji Manara, tumetofautiana kwenye maono na shabaha ya Simba, hapo ndipo tulipoishia….”alisema Mo Dewji.