Rais Samia Suluhu Hassan amempa pole Rais wa Zanzibar na Mwenyekiti wa Baraza la Mapunduzi, Dkt. Hussein Mwinyi kufuatia kifo Cha Mfanyabiashara maarufu wa Zanzibar na Mwanasiasa aliyewahi kuwa Mwakilishi wa Jimbo la Uzini, Mkoa wa Kusini Unguja, Mohamed Raza.
"Tangu tukutane mwaka jana ni mwaka sasa umepita, najua tumewapoteza ndugu zetu, niwape pole wote, lakini nimpe pole Rais wa Zanzibar kufuatia kifo cha mfanyabiashara, Mohamed Raza."
Raza alifariki dunia jana Juni 8, 2023 saa tano asubuhi katika Hospital ya Aga Khan, jijini Dar es Salaam alikokuwa akipatiwa matibabu.
Taarifa za msiba huo ambazo zimethibitishwa na mmoja wa wanafamilia aliyejitambulisha kwa jina la Mohammed Ibrahim Raza, maziko yake yalifanyika Saa 11 jioni katika makaburi ya Kisutu, Dar es Salaam.
“Ni kweli ndugu yetu aametutoka tunategemea kumpumzisha kwenye nyumba yake ya milele katika makaburi ya Kisutu leo saa 11 jioni,” amesema Mohamed
Mei 9, 2023, Rais wa Zanzibar, Dk Hussein Mwinyi alifika katika Hospitali ya Aga Khan alikokuwa amelazwa kwa lengo la kumjulia hali.
Rais Samia ametoa pole wakati akifungua mkutano wa 14 wa Baraza la Taifa la Biashara, unaofanyika jijini Dar es Salaam.
0 Comments