Shirikisho la Soka Tanzania (TFF) limetangaza viingilio vya kushuhudia michezo ya mwisho ya kuwania Ngao ya Jamii itakayochezwa, kwenye uwanja wa Mkwakwani, jijini Tanga.
Viingilio vilivyotangazwa na TFF ni viwili, ambapo mzunguko watazamaji watapaswa kulipa tsh.20,000 na VIP B watazamaji watapaswa kulipa tsh.30,000.
Michezo hiyo miwili itazihusisha Azam Fc dhidi ya Singida Big Stars zitakazowania nafasi ya mshindi wa tatu na Simba dhidi ya Yanga zitakazowania ubingwa imepangwa kuchezwa Jumapili ya Agosti 13,2023.
Katika michezo hiyo ya kuwania ngao ya jamii inayohusisha timu nne, Yanga ndio ilikuwa ya kwanza kutinga fainali kwa kuichapa Azam Fc bao 2-0 huku Simba ikipenya kwenye hatua hiyo kwa mikwaju ya penati 4-2 dhidi ya Singida Big Stars.
0 Comments